شلونكم! شونكم! اشلونكم!
كلهم بدليات.. الاولى استخدمها.. الثانية تضحكني.. الثالثة ما تنبلع
حايشتني فوبيا البدليات المقروءة.. عربي انجليزي.. في ناس الله يهدانا ويهداهم ماخذين وكالة كلمة"ذا".. اللي بدورها تنافس وكالة انتصار الشراح لحرف الآي بمسرحية باي باي لندن
بين كلمة وكلمة ستعش ذا.. عندي مناقصة مسميتها مناقصة صيانة وترميم وتطوير كلمة "ذا".. لو اشيل ذا منها راح تصفى على ١٧ صفحة
رحموا حالنا وحالكم وخففوا من تعاطي هالكلمة.. قامت توِن منكم
وعلى قولة بو وديع سيبكم بقى من قولة ذا سيبوا الكلمة ما تتعبُهاش دن ترن تن تن ترن تن........ تن
يا سلام.. لو دارسة توزيع ألحان وايد استر لحالي وحالكم
خلصنا من ذا انيي حق البدلية الثالثة
من جم يوم كان عندي معاملة بالبنك.. وانا قاعدة وعلى مستوى نظري.. شفت اييه!
مش ركب بني آدم.. شفت اعلان ملصق على كبر طوف البنك.. عنوان الاعلان كان "تبي تعرف اشلون! اسأل احد
موظفينا".. حاشتني قتة من اعلانهم
آمنا بالله وقلنا بتكتبون بالعامي.. بس كتبوا عدل!.. كنت على وشك ان اتليقف واقولهم عن البواخ اللي طالع من اعلانهم.. بس لما سمعت احد موظفينهم يقول
big oops لما يغلط
عيز حمار ابوي وقلت خلكم على فالكم وركبكم واعلاناتكم
بعد! شون كان عيدكم!
وين تريقتوا اول يوم؟ حلاة الريوق رقعته منه وفيه.. يعني بعد صلاة العيد مباشرتننن.. والصلاة كانت مبجر ومحد كان فاتح غيرك يا برايم اند توست.. بلعت بلع سايق شاحنة نقل سيارات سوبربان.. وبس قعدت على ريوقي لي ثاني يوم الظهر.. جود كنت متمزعة من اليوع بحزتها.. وين اروح وين اولي.. وقع الاختيار على اليفيشن برغر.. اول مرة اروحله.. عيوني كانت تزغلل من اليوع فما تبصرت بالمنيو واسماء البرغرات.. اعتقد عندهم ثلاث انواع بس.. وانا وحدة آكل بعيوني شحيث انها كانت تزغلل.. نقيت اليفيشن ام دورين وصالة وعفشة ميه.. المفروض يغيرون اسمها من اليفيشن الى بومريانز برغر.. بقرمة توصلك بوبيان وعلى آخر لقمة كنت ابي ربعي يشيلوني.. حسيت بنفس الاعراض اللي ذكرها الصلال باوبريت التيس ينطح
كانت وايد لذيذة.. اظنتي النيوترشن فاكتس مالتها تعادل بقيرونة.. عقب ما تاكلها تقعد طول اليوم تغني مومو هيير مومو ذير هيير مو ذير مو افري وير مومو
وين اللي يقولون في ازمة لحم بالديرة! روحوا محلات البرغر وطبوا وتخيروا بالذبايح.. ذبيحة بالبورتبلو ذبيحة بأنين رنقز ذبيحة بالبيكن المدخن ذبيحة بسويس تشيز... خير من رب العالمين
هالعيد كان ازرق.. من شهر ستة اللي طاف وانا اعد وامد حق فيلم سميرف او السنافر.. رحتله ثالث العيد
حلوة فكرة سميرف ري يون-ين والاحلى ألعاب هابي ميل.. يمعت جميع انواع السنافر
بس الفيلم كان مخيب للآمال.. يعسر ويقصر العمر.. انا قلت باطلع منه وانا ام عشر
لكن ماعوزي .. دام ان ترجمة سميرف كانت صنافر.. زين اللي سلمت على عمري
البوست يحتاج بعض التوضيح والاعتذار
ذا= the
تم التحريف باغنية بو وديع.. الاصل كلمة "آه مو ذا"
سوبربان= suburban.... وهذي بدلية مالها غفارية
اعتذر عن بعض ال keywords المستخدمة في البوست
اليفيشن برغر اجدع ناس وربنا يكثر من ذبايحهم وشفاطاتهم لأن هدومي صبغت من ريحة زيت القلي
conclusion
لو اشيل النقط اللي تفصل بين كل جملة وجملة في ال١٤٦ بوست اللي كتبتهم.. راح اصفى على بويست!
23 التعليقات:
ma fahamt shay !
i will try again bas yabela ba3d al qayloolah !
ذا. بوست. ألذ.من.ذا. دونت .و ذا.همبرغر.
عاديتينا بالبوست.
فقدنا بوستاتكم إللي توسع ذا صدر.
وياشين المطعم إللي ريحة القلي تلصق في الواحد منه.
يا صباح الهنا كله :)
كل البوست كوم، والمذكرة التفسيرية في نهاية البوست حاجة تانيه خالص
:)
هذي الترجمه حق القارئ لأول مرة مو لنا، مير أنا افتح البوست من اول ما اقرا لي اخلص وانا وصلت مرحله اسمع صوتج اللي عمري ما سمعته
وما تسأليش ازاي
:))
رجاء،لا تسولفين عن الاكل انا صايره اتأثر بالايحاء:)
عساه مداخيل العافية وعساج انتي والمزايين عيالج وأبّيهم بخير وعافية
:)
ولكم باك مس يووووو
وعليج بالف الف عافيه
والله ماقريت البوست من شفتج على القائمة جان أرعصها عشان اطرشلج..
اشششششدعوةة اشهالبطى ياكافي..!!
ماتقولين لي متابعين فقارا مساكين ايتحرونلهم بوست وبوستين-ولج بوستين:)- مني..!!!!
لأ لأ لأ..ماكليش حق خااالسس!!؟؟
.
.
.
وألحين عاد انتفضى لقراءة ما سطرته فناقرج الذهبية..
:)
لا اتعودينها مرة ثانية
ودمتم
garaita marah thanya !!!
YE3T !!
noticed one thing.. that u went to prime and toast + elevation without me!!!!
#Z......m
يا هلا يا هلا يا هلا صباح الخير
شلونج شخبارج وين غاطه؟؟!!؟!؟
اقول ام عبيد ،، صاحبج بو big ooops
جان مسكتي براطمه وقلتيله دنبك ده ههطعهولك!!
الا اخذتي الدوبل!!! يا ويلي على الاجرام والله في ستات متوحشين p;
عندي صديق يصلح لج ، عمره من عمرج ونفس الاهتمامات
المايسترو الكبير سعيد البنا ، مايسترو الحفلات الوطنية أيام السبعينات والثمانينات ، اذا عزمتي قوليلي علشان اواعده بحته (:
سؤال تحت الطواله ، علامه اكاونتكم الكريم بتويتر فجأة صرت غير متابع لحضرة جنابكم واذا أبي أتابع يعطيني مسج شطوله يقولي ما ينفعش!
مراحب
عفية عليكم عرفتوا تقرون البوست.. السيتنق مخسبق ويبيله كادر كتابة وقراءة!
ام مهلهل
انتي حدي معاج وتس آب
مينون اللي يواعدج.. والدعوة بتلف بتلف وترجع لصاحبها تاني
الله يسلمك تحلطمنا ما تفقد غالي
:)
اي والله المطعم صد رد
كلش مو مال تتمشى بالمول عقب
يا هلا جواهرجي شوووووووونج!
:))
الله يعافيج :*
اذا لج بالذبايح انصح تروحين له
خيااااااال على قولة القايل
انا بعد اسمع اصواتكم.. احس صوتج فيه من شادية
:))))
اما صوت آرتفل يبيله بدل ضوضاء!
يا هلا بنت الديرة
مس يو مور حبيبتي تسلمين والله يعافيج
:*
تلات سلامات وشوية كَل
:))
الله يسلمج المكان عامر فيكم
لا تواخذيني، انشغلت بالاجازة
وان شاالله ما اعودها
منورتني
:)
اهلا اهلا خويل
لووووووووووووووووووووول
عندي نفسه بس اكبر منه بثلاثين سنة
كتبت عنها بوست شنجوتشات المش
:P
خابرة اللي يغلط يقول امبيه، وييييييي مع شهقة، ولليييين، غبرة، طفى، يا خراشي
بس big oops يديدة علي
وعلى ام دورين.. شكلي باعتمدها بكل روحة، بس بييب معاي مطارة اتاي
هو انا ما اولتلكش!!! يوه يئطعني!
سويت دي اكتفيت للمرة الثانية.. كلش مو على ولام مع تويتر :/
يعني خلاص ما من تويتر؟؟ (:
هممم زين p;
وتاليتها معاج! ليش قارضه فيني عند الناس؟! أشوه عند استكانه مو عند غريب
احم احم ...
من لبستي نظارات وصغرتي الخط انعمينا
مثل أخيتج ما فهمت الا سطرين
مس يووووو
يا ربي على البلوق سبوت
اعلق..اكتب ..اغني
اتكوكس ما يوصل حق الناس ...
المهم و الاهم
جندوووووووووولا
مس يو ...وينج ؟
المدري شسمه
اللي اذاج
ذبحناااااااه
مالج ردة كلش ؟
احب اليفيشن بيرغر ( تعبتني من الغين)
وكل مرة اقول بروحله ترد على امي النوري ما يسوى بيج ماك احلى.. و اسكت و اصمت ..صارت طلعة الصديقات هنااااك بلا محاله بس ما قط جربت الدورين تدرين اخاف من المرتفعات .. حدي ارضي ...
سلام مربع حق احلى
صنفورة النوري
والله ولهانة عليها
طرشيلنا لو طرد
فيه صورتها مع
صاحبة التعليق الاول :**
خويل
نشـــــــــــاز
:P
مس يو مور ام عزو
بلاج ما تدرين عن السيتنق اليديد.. تصغير الخط باي ديفولت! انا م ليش دعوة
يا هلا النور صبحج الله بالخير
:))
انا كلش مو تكانة ومو مال احد يسويلي فولو لان الدي اكتفيت مثل شربة الماي عندي
ذكرتيني قايلة باصور نونو فبدلة العيد وقرقيعان وكل ويك اند انسى
ان شاالله اذا صورناها نبعث لكم الطرد مع ام مانجمنت
:)
نشار هاااا D;
مهما تهاوشنا لو سمحتي لا تغطين!!
على الأقل علشان أعرف انج ما متي p;
الله يعطيج طولة العمر (:
ما نستغنى خويل
تم تحديث البلوق
:)
إرسال تعليق