صبحكم الله فبوتانيكال قاردن اعزائي المدونين مغردين فيس بوكيين.. كيف كان صباحكم الافتراضي البعيد عن مسرح الحياة
راحت ايام المسارح.. فين لياليك يا الدسمة وفين ايامك يا الشامية.. زمن النظارة وسينمات الهاي ديفينيشن
على طاري النظارة.. يبيلي نظارة اخفاء حق مجمع المهلب بكبره.. كل ما مريت صوبه اتكدر.. احلى ما في المجمع اسمه.. بس يبيله اعادة تسمية.. يا ريت يكون مجمع المهلب بين قوسين سينما الاندلس سابقا
على طاري النظارة مرة ثانية وثالثة ورابعة, ما وراي شي
اليوم الغيوم تعبر عن مزاجي.. ساعة تروح وساعة تيجي ساعة تروح وساعة تيجي ساعة تروح وساعة تيجي
شنو احلى شي بغيوم الظهيرة ومواقف الافنيوز؟
بالضبط! الحمدلله اللي الله بلغني وشفت اليوم اللي نتفق فيه على شي بدون حملة أختام وتواقيع
الواحد مو محتاج يلبس نظارة.. انزين وشنو علاقة هذا بمواقف الأفنيوز؟....... يايتكم بالحجي
اول هام ودي اتغدى بنابكت واكيد بروح بسيارتي وبوقفها بمواقف الافنيوز -فيز تو-
ثاني هام, اذا وقفت بمواقف الافنيوز اشوف العجب.. اقول العجب بطريقة تعامل الناس مع نظارتهم الشمسية
ولا اذا كانت الشمس حنانية وتدش فجأتن بخندريس المواقف.. بؤبؤيا لازم نفصخ النظارة والا بيصير الوضع دزني وأطيح بالمواقف
عن نفسي, اول ما ادش المواقف يا احط نظارتي بالجنطة او يمي عالكشن.. بس الناس عليهم وساعة بال غير نمونة على نظاراتهم.. وإليكم بعض النماينز يا منز منك ليها
العصبي, يعض على طرفها بأسنانه
اللي الله رازقه براطم, يبرطم عليها ومو محتاج اسنان تثبيت
اللي ويهّا مفدوق تحطها تحت الحنج
الأصلع يثبتها اعلى اليبهة
الكوول يلبسها بالمقلوب شمال جنوب الجمجمة, او بمعنى أدق بالنص يا حظي
سمر اللي بالعشق الممنوع تتمشى على بلاج البسفور وليش ان غيم صاك تحط نظارتها الحمرة فوق كبوسها الابيض
والدارج الدارج الدارج والأكثر شيوعا و موست كومن.. يحطونها فوق روسهم من يدشون المواقف لين يتوسدون الوسادة الخالية.. وهذي اخطر نوعية وانا احذركم منها.. اتنصحو اتنصحو ما تتنصحو انتو حرّين
تشوفونهم بكل مكان.. حتى بالطيارة طالت المسافة او قصرت النظارة ما تفارق الراس.. اعرف وحدة من هالنوعية تعتمر وتؤدي جميع المناسك وتتسوّق بعد اتمام المناسك.. ومتى ما خلصت تسوق راحت تقنّد النظارة بستاربكس زمزم.. عشنا وشفنا ستاربكس فرع زمزم
ادّاد حق هالنظارة.. لو تنطق جان علوم ولو اني اشك انها بتقول ربع اللي قلته فيهم
وبس خلص الكلام.. سلام
34 التعليقات:
نسمات نيسان مبينة عليج ؛) مني هالوحدة !!
عيل شلون تبين النظاره اتها ماركه ؟اذا ماالبسوها طول اليوم ؟؟؟؟؟
لووووول
انا من أدش مواقف الأفنيوز .. بوئبئياً احط النظارة بحظني :)
وعليج بالعافية الغدا
هلا والله بالشربت كله
:)
تصدقين نبهتيني على سلوكيات النظارة ووضعيتها :))
خوش ملاحظات ... تسلمين يا الغالية
ولهنا عليج
وعلى طاريج
وعلى سوالفج و نكشاتج الجميله
شدعوه ياحافظ؟؟ هاجرين المدونات...
انا قايله بغتال العصفور الأزرق..وبوصي عليه صقر بس صبركم....
والله انا مثلج...
تبين النموذج اللي يقث...
الي تكون معطله السير و واقفه ربع ساعه
ادور علبة النظاره
تفتحها...
تفصخ النظاره
برقه اتعاينها واطبقها
واتحطها بالعلبة...
يعني ...فت مرارة عالآخر...
وحدث ولا حرج عن الي النظارة فوق الراس الساعه 10 بالليل!!!
عايز عليج التاج يعني!!!
مسى الورد والنوير
والغيوم الحلوة:***
Hello شربتكو
من طول الغيبات :)
انتي لو في منج 3 جان ما احتاجو حق لجنة الظواهر .. صاجه أدااااد حق هالراس الي مو متحجبة نقول تسويها تاج حق شعرها بس الي متحجبة شكو يعني موديل -_- لوعه واعوووو عليهم
اشتأناااه :*
المهلب اسمه الحركي مجمع المهلق
بدعتي جندل ..بدعتي
ربي يفرح قلبج مثل ما ضحكتيني وآنا أقرا ...لا وأقرا بسرعه بسرعه مادري ليش؟؟؟
يتراوالي انتي تكتبين بسرعه..علشان جذي أحب اقرا بوستاتج..
ولكم باك قيرل..
ونظارة سعيده على قلبج
ترى آنا مو من ربع النظاره كلش ملش
لا البسها ولا اشتريها..مفتكه
:)
صباح الخير
والله حبيت ابريل وكرهت مارس كره العمى
اذا جذي بنفقدج بمارس خلاص عزمت اسوي حملة تواقيع علشان أشيله من رزنامة العييري!!!
كيفوو
على طاري النظارة انا ينرفزني اللي يلبس وين ما كان على قولة السوريين!!
يا ولد الحلال داخل المسيد علامك!!!
انزين دشينا المجمع!!
انا نظارتي ما تنزل من السيارة الا ما ندر!!
والله الموفق!!
وقعتي؟؟
:)
هلوووووووووو
هلوووووووووووو
بجنجن
@@
مارس و ما ادرك مارس
مليـــــت منه .. شطوله
المهم على طاري النظارة
اعرف وحدة والله تلبس النظارة كل مكان يمكن حتى بدارها ..المهم بالجامعة بالكلاسز تحديدا تداوم فيها و من النوع النظارة السوداء..و كل ما قلناها شي قالت الدكتور ما يتكلم انت شكو
سكتنا ..و لا حجوة ..
ذاك اليوم جان تنتفخ عين وحدة -@ فقيرة حالتها مستعصية
و يتسلط الدكتور يزفها
يقولها انا ملاحظج من اول الكورس .. "االعي النظارة "
و اهي زين ما اترجااه
افصختها و شفنا العجب
الدكتور انصدم ..
زين ما كنسل الكلاس
الدرس المستفاد
لاحد يتفلسف
و يلبس نظارة
اذا ماكو شمس
:)
هلوووووووووو
هلوووووووووووو
بجنجن
@@
مارس و ما ادرك مارس
مليـــــت منه .. شطوله
المهم على طاري النظارة
اعرف وحدة والله تلبس النظارة كل مكان يمكن حتى بدارها ..المهم بالجامعة بالكلاسز تحديدا تداوم فيها و من النوع النظارة السوداء..و كل ما قلناها شي قالت الدكتور ما يتكلم انت شكو
سكتنا ..و لا حجوة ..
ذاك اليوم جان تنتفخ عين وحدة -@ فقيرة حالتها مستعصية
و يتسلط الدكتور يزفها
يقولها انا ملاحظج من اول الكورس .. "االعي النظارة "
و اهي زين ما اترجااه
افصختها و شفنا العجب
الدكتور انصدم ..
زين ما كنسل الكلاس
الدرس المستفاد
لاحد يتفلسف
و يلبس نظارة
اذا ماكو شمس
:)
صباح الخير والنوير ولهاااانه عليج
اهي يت على النظارة خليها على الله
ام قليب
اللي على راسه نظارة يحسس عليها
آي لايك ابريل
mannaw
ابتلشت هالنظارة
حياكم الله
:)
اهلا ابرار
الله يعافيج.. بردهم يرد الروح
:)
تعليقج يزيد من اواصر المحبة والأخوة
اهو كده الكلام
:))
الله يسلمج نيكون
حاضرين يا عزيزة بنت عزيزة
حياج الله
:))
يا هلا دوك
:)
انا ولهت اكثر واعتذر على الانقطاع
الاحداث تسد الشهية عن القراءة
وعلى قولة حريمنا "بالعينها يمرة"
ليلحين اكو احد يحتفظ بعلبة النظارة!
اول شي اشوحه واحتفظ بالقطعة اللي تنظف النظارة
:)))
هذي يبيلها من الدعامية الى الدعامية
:)
منورتني يا دوك
:)
هلاوين ستار
:)
الله يسلمج من طيبج وذوقج
:)
الحالتين اكس.. انا استغرب شلون تثبت طول هالفترة وما تزلق!
احنا اشتأنا اكثر
:)
بو طخمة
ما كان له داعي من الاساس.. اطالب باستجواب من محور واحد .. التفافيخ علي والبطيخ عليك
يا هلا ليوان
:)
تسلمين على الكلام الطيب
من طيبج يالغالية
:)
مفتكة من سالفة النظارة.. انا كلش ما اجابس
منورتني بالقراءة السريعة
:))
اهلا اهلا خويل
:)
تصدق عاد اول مرة يقزر مارس بسبة سرعة تواتر الاحداث
مسميته honey i shrunk the month
:)
انا بعد نظارتي على طول بالسيارة
عفية روس متحملة.. وصاج يروكعون فيها وما عندهم اي مشكلة
اذا انت وقعت انا جني موقعة
:p
اهلا نونو
:)
قزر عالباربكيو وحلو الكنافة
:)))
استغرب من اللي يلبسونها اندورز
ضحكتيني لما قلتي االعي
لووووووووووول
وعينك ما تشوف الا النور يا نور
:)
أهلين يارا إحنا ولهانين اكثر
:)
ونعم بالله
ترا في ناس يلبسونها في الأماكن العامة على طول لأنهم يستحون شكو مادري!!
يعتبرونها مثل طاقية الإخفاء لأن مر علي هالشعور .. لووول
يا لمّـاحة :P~
** صباح الخير يا ويه الخير شلووونج شخبارج
شوفي انا مالي بالنظرات و ويهي غثيييثمو اي شي يلوووق عليه وقبل فترةشريت وحدة و اخيرا قلت خلاص هذي اهي اللي ادورهامن زمان و مناشبيني عليها بالدوام و امأذيني اذية العالمين عسى محد ادش الا خذاها من على المكتب و لبسها لين ضاعت و انفقدت و انا ليلحين عندي امل القاها سم ويييييير ياربي مايخلون علي شي افففففف
اهو الموضوع كان عن المواقف ؟ انا شفيني قاعده اقرق بروحي
أولا الله يخليج ذخر لعالمنا الإفتراضي ومسرح الحياة معاً
صراحه فطست من الضحك الله يرزقج مليون دينار على هالبوست العجيب
نقطة ضعف البوست مجمع المهلب
عسى ماشر شفيج عليه
المجمع الوحيد إللي أروح سينماته ويا العيال
جريب من الضواحي,مواقفه متوفره,وأهم شي مافيه أي شي ترفيهي يضيع الوقت عقب الفلم.
يمكن وجهة النظر النسائية مختلفه!
صباح الخييييييير
ولج انتي وييينج؟؟
شلون الصحه وشلون العيال عبود وسبوج ونوييييير وابوهم؟؟
الا امهم شلونها؟
عسى الله يحفظكم
:)
يا هلا نون النسا
عاش من شافج :))
ما عندي مشكلة من اللي يلبسون النظارة بالاضاءة الغير طبيعية
المشكلة تبدي من تنشال النظارة
:)
يا ميت أهلين وسهلين
:)
اهلا اهلا ميومة
:))
بدون مجاملة وبدون ما اشوفج
انتي تحلين كل الموديلات
:))
الموضوع عن توحيد قبرص
:p
تسلم اخوي تحلطم عالدعوة الطيبة
:)
عاد انت المفروض تعين وتعاون على نقطة الضعف
بصراحة ما اعرف حجم الضرر اللي لحق بالسينما من بعد الغزو
بس مسألة أني اهدمها واحط مجمع لا يسمن ولا يغني من جوع مرفوضة
حولي متروسة براحات ما كان له داعي أني أهدم صرح واحط مجمع بداله
معاك حق، شي صار وخلص وما ينفع الصوت بعد فوات الفوت
وعليك وعلى مرتادي المجمع مليون عافية
:))
حياك الله اخوي
هلا خويل
أنا جينة انت جين؟
:p
ماجودة طال عمرك
تسأل عنك العافية
:)
انتي جينه انا جين الهمدلله
p;
يستاهل الهمد
:P
لا تخفى اشياءا .. خلف ستار أو تستخدم الغازا ... لا ترقى لأى خيال
ابحث عن الواقع ستجد إجابة لكل سؤال ( الشاعر المصرى ابراهيم خليل ).
إرسال تعليق