circle of karma

اكتب والا ما اكتب اكتب والا ما اكتب! اف الواحد قاعد على اعصابه.. مش طايق نمش وشه

اليوم تهاوشت مرتين.. مرة بالصالون, كنت رايحة احلق حق سباكة ومرة عند مال الكمبيوتر بشارع بن خلدون.. آند آي هاف ماي اون سيلي ريــزن"ذ".. بت آي دونت وونت تو شير ذم

لكن الله ما يطق بعصا.. عقب ما خلصت من مشوار بن خلدون وتوني موقفة سيارتي عند بيت الاهل .. نزلت سبوجة من السيارة بطفاقتها المعهودة وصكت الباب على ايدها

:(

اهي ما صكت الباب.. بس طقها الباب واهي تسكره عالسنة وحاش ابهامها مو اليمين ولا اللي بالنص ولا اللي يمه.. ما غيره اللي عاليسار

مشكلة اليونق ليدي سبيجة ان الواحد ما يعرف صجتها من جذبتها... مضهولجية ومشوهة نخب اول

فضحتني بالفريج.. بغيت ادش بطوفة البيت.. لا اللي راضية اشوف ايدها ولا اللي تبي تروح الطبيب.. انزين حطي ايدج بالثلج! حطي الثلج بايدج.. ماكو فايدة وعلى ذبذبة وحدة

وكون اني اكثر وحدة بالكويت تمون على مستشفى الرازي.. لا يكون تبوني اروح الصقر ويقولي يبيلها اشعة ويحولني حوادث الاميري ومن باجر الصبح مراجعة بالرازي! دونت ايفن ثنك اباوت ات.. شكل ابهامها كان مستواه غرفة رقم 2 بحوادث الرازي

بثلث ساعة

طلعت ورقة من الاستقبال

دخلت عالطبيب

سويت اشعة - الحمدلله طلعت رضة ومافي كسر-

خذيت الدوا من صيدلية الحوادث وهشاشة العظام

شريت تويكس وعصير كوكتيل أي بي سي من الفيندنق مَشين -متحلطمة عليها فبوست-.. بس قلت اطيب خاطرها على ما يضمدون ايدها

اسهل من جذي ماكو.. انلام اذا ميّنتها معاهم!

عمار يا كويت.. الله يديم علينا النعم ويحفظها من الضمادات ويكافيني شر لساني ولسانكم

تهقون منو اللي دعا علي؟ مقص الصالون والا شاحن بن خلدون!