قبل ثورة الدي في دي والفضائيات، كان في شي اسمه فيديو كبير.. اللي من طقتي واكبر يسمونه فيديو كبير لان قبله كان في فيديو صغير
كبير وصغير يرجع لحجم الشريط مو الفيديو.. اذكر فبيتنا كنا حاطين الكبير وفوقه الصغير يطحن
مواليد السبعينات (جيل الفيديو).. جيل خايب وجيل بايز وعليا الطلائع منتو فاهمين حاجة
كان عندي اشتراك بنادي الفيديو اللي بالصالحية.. والاشتراك يلزمه كرنيه عضوية.. كرت عليه دوائر قطرها ما يتعدى خرم الخرامة.. ومقابل كل فيلم ااجره يخرم دائرة.. وزود دثارة كنت استخدم الكرت بوك مارك حق الروايات.. لو تدري دانيال ستيل بفعلتي جان منعت رواياتها من فاملي بوك شوب
المحل كان عامر بجيل الفيديو.. خاصة يوم الخميس عالمغارب -امم امم على رأي فوزية رأفت-.. وكل وحدة متكنترة وماسكتلها مجلد كحلي او احمر وتنقي افلام من اللستة.. اذا ما خاب ظني نادي الفيديو كان كشخة وما فيه غير افلام ومسلسلات بالانجليزي يا مرسي واللي تبي افلام بوسي ونور الشريف تروح الوسام اللي بالنقرة الشمالي
من عرض الافلام اللي اجرتها فيلم girls just want to have fun
يمكن كان الظهور الاول حق سارة جيسكا باركر وهيلن هنت .. الفيلم مو مال اجار.. كنا نشوفه ٣ مرات باليوم بيت النازل.. ثاني اسبوع استدخلته من نادي الفيديو
اليوم عيد ميلاد بنت عمتي.. اهي من جيل الطلائع آز ول.. يا ما تبادلنا روايات وافلام من نادي الفيديو..
احتفلنا بعيد ميلادها البارحة من باب قدم الاربعا تلقى الخميس
الهدايا صايرة تضيق الخلق.. مطاطير.. استكانات.. ماعون سلطة مع قفاشه.. جلسات مساج.. مو ناقص الا يعطونها خام تنجيد والثانية تتكفل بتكاليف المنجد!
خل اقوم اقرا الكهف.. القى اليمعة
واقفل المحضر في تمام الساعة ١١:٣٣ مساء مع ملعقتين ونص فروزن يوغرت اورجنال تارت
تصبحون على خير وويك اند احلى من الرد فلفت ترايفل
20 التعليقات:
لووووول
والله يانه و قاعده , اش طرا عليج
وين اللي ما تحبين مارس، ماشاءالله كل يوم بوست !
لا و قبل الكبير كان اكو الفيديو بو شريط مربع
الفيلم كنت اشوفه عشرتعش مره باليوم :))
واحلا مقطع لما تنحاش من الدريشه .. كانت معقدتني :))
ياربي ما يصير نسوي روايند حق هالايام ، و بعدين pause
ام قليب
هذا غير عن الفيديو الصخير على قولة المحروس ولدج؟
من الطبيعي ان كل صخير يكبر.. الا بعالم التكنلوجيا.. كل كبير يصخر .. بس مادري ليش عكسوا الآية بسالفة الفيديو!
وعلى آلة الزمن.. كان غيرك اشطر
وكلها جم يوم ونحتفل في يوم مولدك... ومن الحين مزهبة هديتج.. ماعون سلطة مع وجبتين فتوش وست قفاش برتقالية بلاستك من مركز سلطان
** تصدقين تدرين لو يه عيد ميلادي و احد اييبلي استكانات شسوي فيه اقيم عليه الحد و بلوووووك ديليييت على طووووول
واي على ايام عزه الوسام تدشين محد يعطيج وي بعد يازينها من ايام على طاري الافلام شفتي فلم بيرلسك ( شير & كرستينا ) عجيييب شكلي بنحاش من البيت و بروح اشتغل و ياهم
أول مرة أدري إنه مصطلح (شريط كبير) ومصطلح (شريط اصغير) متداول في غير بيتنا..!!!
إلى الآن وأنا أحتفظ بأشرطتي-الكبيرة طبعا- .. ومن زود خبرتي بمحلات الفيديو وشنو نماين بضاعتها..كان محل الوسام يبيع الببايات المترجمة بترجمة أردنية.. ومحل الحزام الأزرق كان يبيع الببايات اللي ترجمتها لبنانية وبعضا منها في فيديو الحسام..!!
سوالف الأجار كنت أسمع فيها ولا دارت في بيتنا مولية.. لأني مو مستوعبة أشوف الشريط مرة وحدة لازم كذا دورة في اليوم..وإذا الشريط جديد بعد يصير دوس على الفيديو..!
أذكر الجزء اللي ركيت عليه من الخميس الصبح لين العصر موعد زوارة خوالي هو ساندي بل الجزء الرابع..يخلص الشريط وأعيده ..يخلص وأعيده..لو تبين أسمعلج الحوار أنا حاضرة..!!
إحنا نظام بيتنا كل فترة وفترة جزء جديد. كنا نتمنا بروحة وحدة للنقرة الشمالي نشتري أجزاء البباي الواحد كلبوها.. بس كانت فقط مجرد أمنية..!!؟؟
بس تعالي شلون تشترون أفلام؟؟ حنا ممنوع عندنا أو بالأحرى ماكانت الأفلام عليها شفاقة..إلا اللي خبري خبرج كل جمعة :))
جندل..
ماجبتي طاري شريط التنظيف اللي وياه قطرة..
يــا عذاب أبوي أول ويا الفيديو فديت اقليبه..
ودي أعيد شريط حياتي جندل :(
.
.
ودمتم
اهلا ميومة
انتي لو يعطونج عدالج ذهب هم مو قدرج
:*
والله جني شايفته
استملق شير بس احب اغانيها
اذا بتنحاشين اخذيني معاج اونسج بالنحشة
اهلا بالغالية كل
لج فرية عساها على خير
:)
اكثر اللي كنت ااجره مسلسلات
والمسلسل ما ينعاد
بس الفيلم الطيب يقعد يطحن بالفيديو لين يحل مكانه شرواه
:)
الهندي مالي مقاقة عليه.. ما ينفع ينعاد
اذكر كان في شريط ينظف الفيديو, بس ما اذكر سالفة القطرة.. مدللينه ولا انف واذن وحنجرة
:)
الله يخليلكم ابوكم وكل من تحبين
حياج الله ولا تباعدين
:)
أضيف حق المحلات الي قلتوهم .. نجيب ومركز الفنون والله النقرة كان عامر بمحلات الفيديو وكان في كافتريا عند الباب تسوي بيتزا عجيبة
هذا غير تسجيل المسلسلات من التلفزيون
حدنا كنا متفرغين
اقولج شي والسر عندج بالامان
هالايام طايحله مساسر
p;
انا لحقت على الفيديو الصغير والكبير
بس عاد كنت أطالع فيهم ببايات مو أفلام يا يدة يدتي
p;
----------
مطاطير.. استكانات.. ماعون سلطة مع قفاشه.. جلسات مساج.. مو ناقص الا يعطونها خام تنجيد والثانية تتكفل بتكاليف المنجد
-------------
لوووووووووووووووووووووول ،، والله هالمقطع فضحني بالشركة الله يغربل ابليس ابليس ابليسج
D;
جندل
@@
ترى ماني قادره الحق عليج الله يحفظج
الله يهداج ليش عاد كل يوم بوست..
رحمينا..
بعدين اشفيج على مارس مادري كتكات
والله الجو فيه حلو والقعده بالحديقه عجيبه والبلكونات هالايام ترد الروح
ترى هالايام وايد قاعدة تذكرين ايام اول وهذي من مواري الكبر ديري بالج
؛)
يازين سوالفج اسم الله عليج..
حافظج الله
:***
اي والله يا ستار
كنا متفرغين وبنفس الوفت ندرس ونجابل
لا تنسين مركز عبدالله روشيد بعد -بس رويشد وفنون- طلعوا عقب
تعيشي وتفتكري
:)
سرك فجليب خويل
انا بعد كنت اشوف بباي فيفا زلاطة والى المأذون يا حبيبي
عسى ما فيها شؤون قانونية
وعلى راي ليلى بنت مراد: ادحك كركر اوعا تفكر اوعا تفكر
الله يسلمج ليوان
:)
والله يا اختي قاعدة اكتب من حر ما فيني .. البلد على كف عفريت عسى الله يعدينا الشر
اليوم اللي ما كتبت فيه تهاوشت مرتين
حياج الله يا الغالية وعليج بألف عافية كل الاشهر مو بس مارس
اشوف طالت وتشمخت !!!! لا تحشين بمارس. هذا شهري مولوده فيه شهر مباااااارك هذااا. ترا امسحه من الكلندر مالتج وتشوفين شلون تفقدينه!
وبما اني الحين توني رديت اقرا بوستلتج اللي تينن بس انا كنت مقاطعه الكمبيوتر مستملقته واكتشفت الايفون الحين وارسلج من هاللحظه منه عساها تكنولوجيا مريحه ما تنقطع. وبما اني جيكت متي ميلادج من بوستاتج القديمه بطرف صبعي الصغير وكليك. وبما اني اكتشفت انه هالشهر. وهالشهر ياااااااا ثقالت طينت واثباتن علا ذللك انا توه مر علي كامل وجنه جبنه عالريج. وحااااااااااار الهم ياكافي. وبسي ؛)
والحين اسولف. تذكريني حجيه انا اللي سولفت معاج اهني بالكمنتات يجي شي سنتين هيك يوم كنا صغارررررر. اخيههه. وااله السنين تركض مدابج بعمرنه. يكون تطيح وتزلق وتخفف شوي. لللللللااااا.
ازا بدك ازكرك فيني شوي ورفرش الميموري اللي ادري الحين في طور التخدير السني. انا وياج طحنا طيحه بصالون النزهه بطيناه بط علا قولت شباب هالوقت (كيفي بتلزق). ... اتذكرين يوم تقولين مشروع طاعون. واااي الحين كل ما اظططططططططر اروح و بالطاًً بعيد عنج المشدده. كل ماشفت شي اهناك يذكرني بالوبااا ( مادري وين الهمزه بالايفون لين الحين ماكتشفتها) اقعد اضحك بروحي جني مينونه. الله يقطع بليسج جف طينتج تستمر سنين معلقه براسي السالفه.
والحين اذا ماذكرتيني هم عادي انا اوردي زعلانه علا مارس. مافي مكان حق زعل ثاني.
بس وااااي تذكرين فيديو النادي ومكتبه العايله والفي والقصص والمجلات الانجلش والله كنا شي قبل مين ادنا مين. ماكو شغل الا هذا. الله يحلل ايام كنا ندش الصالحيه عشان ناجر افلام. الحين محد يصدق. لاه و مو فلم ولا فلمينا ٦ و ٧. تيزينا لين الاسبوع الياي. مابقا فلم طلع علا وجه الخليقه من طلعت هوليوود ماشفته. وترا كان في بعد يوم كنا اصغر شوي فيديو السينما الوطنيه اللي لزيج السينمات كان. بس افلامه كانت مراقبه ولا ناسيه انا. ما اتذكر. خبرج خاربين ما نبي مقطع طايحين بمريس. مو مثل الحين نقعد بالسينما ومقطعين ثلثه منجعمين ساكتين.
اللله وااي علا ايام حلوه. حته الشمس غير والليل غير والشوارع غير والناس طيبين. ولا يمكن مو طيبين بس مجال الحش كان مو قوي ذاك الوقت.
والله تصدقين بما اني مو سوالف كمنتات ولا عندي فسبوك ولا توتر ولا ابي وبما اني احس انه وي ول هت ات اوف انستنتلي. :)
الساعه المباركه يوخيتي اللي الله قدرني اقره بوستلتج بالايفون.
ويتنق فور يور ربلااي ابي انسدح علا القاع واتدربح علا الدري من الضحك ابي اصير مواهله للجمباز الاولمبي من الضحك بعد ما اقرا يور ربلااي. دونت دسبوينت. شدي حيلك. ربنا معاك. لا اله الا الله.
اشوف طالت وتشمخت !!!! لا تحشين بمارس. هذا شهري مولوده فيه شهر مباااااارك هذااا. ترا امسحه من الكلندر مالتج وتشوفين شلون تفقدينه!
وبما اني الحين توني رديت اقرا بوستلتج اللي تينن بس انا كنت مقاطعه الكمبيوتر مستملقته واكتشفت الايفون الحين وارسلج من هاللحظه منه عساها تكنولوجيا مريحه ما تنقطع. وبما اني جيكت متي ميلادج من بوستاتج القديمه بطرف صبعي الصغير وكليك. وبما اني اكتشفت انه هالشهر. وهالشهر ياااااااا ثقالت طينت واثباتن علا ذللك انا توه مر علي كامل وجنه جبنه عالريج. وحااااااااااار الهم ياكافي. وبسي ؛)
والحين اسولف. تذكريني حجيه انا اللي سولفت معاج اهني بالكمنتات يجي شي سنتين هيك يوم كنا صغارررررر. اخيههه. وااله السنين تركض مدابج بعمرنه. يكون تطيح وتزلق وتخفف شوي. لللللللااااا.
ازا بدك ازكرك فيني شوي ورفرش الميموري اللي ادري الحين في طور التخدير السني. انا وياج طحنا طيحه بصالون النزهه بطيناه بط علا قولت شباب هالوقت (كيفي بتلزق). ... اتذكرين يوم تقولين مشروع طاعون. واااي الحين كل ما اظططططططططر اروح و بالطاًً بعيد عنج المشدده. كل ماشفت شي اهناك يذكرني بالوبااا ( مادري وين الهمزه بالايفون لين الحين ماكتشفتها) اقعد اضحك بروحي جني مينونه. الله يقطع بليسج جف طينتج تستمر سنين معلقه براسي السالفه.
والحين اذا ماذكرتيني هم عادي انا اوردي زعلانه علا مارس. مافي مكان حق زعل ثاني.
بس وااااي تذكرين فيديو النادي ومكتبه العايله والفي والقصص والمجلات الانجلش والله كنا شي قبل مين ادنا مين. ماكو شغل الا هذا. الله يحلل ايام كنا ندش الصالحيه عشان ناجر افلام. الحين محد يصدق. لاه و مو فلم ولا فلمينا ٦ و ٧. تيزينا لين الاسبوع الياي. مابقا فلم طلع علا وجه الخليقه من طلعت هوليوود ماشفته. وترا كان في بعد يوم كنا اصغر شوي فيديو السينما الوطنيه اللي لزيج السينمات كان. بس افلامه كانت مراقبه ولا ناسيه انا. ما اتذكر. خبرج خاربين ما نبي مقطع طايحين بمريس. مو مثل الحين نقعد بالسينما ومقطعين ثلثه منجعمين ساكتين.
اللله وااي علا ايام حلوه. حته الشمس غير والليل غير والشوارع غير والناس طيبين. ولا يمكن مو طيبين بس مجال الحش كان مو قوي ذاك الوقت.
والله تصدقين بما اني مو سوالف كمنتات ولا عندي فسبوك ولا توتر ولا ابي وبما اني احس انه وي ول هت ات اوف انستنتلي. :)
الساعه المباركه يوخيتي اللي الله قدرني اقره بوستلتج بالايفون.
ويتنق فور يور ربلااي ابي انسدح علا القاع واتدربح علا الدري من الضحك ابي اصير مواهله للجمباز الاولمبي من الضحك بعد ما اقرا يور ربلااي. دونت دسبوينت. شدي حيلك. ربنا معاك. لا اله الا الله.
اهليييين ستروبيري عاش من شاف كومنتج
:)))
توني مبيوقة بتورمولينوس
:(
اول مرة انباق وعلى شنو عاد
الجنطة متروسة وت وايب وكلينكس
بس هم رديتهم منها ورفسها ريلي!! ولو طايح عليها ولدي جان ذبحها
صج مقرودة هالحرامية!!
خل اصحصح من خرعة البوقة وارد عليج عدل مدل
الله يا وناستي بردتج،، فقدتج بس ادري فيج ام هبة مو ثابتة بالبلوقز
اذا لج نية تويتر عطينا الاكاونت
وساعتج ابرك :))
وه وه وه يحسرتنا. خطاكم السوو. كلشي ولا الوت وايبس عاد. كلشي يتعووض الا ديتول وايبس بكوستا دلسول. وين تلاقين لو ينباق. انا مجيله من الجمعيه من الحين حق الرحله.
حسرتنا خرعتيني عاد انا يايه صوبكم مع اليهال وخبرج هذيل يستغلون التدوده مع عيالنا وصيحتنا مستجله لي اخر بورتو مرينا الكل يدري انج كويتيه ومغناطيس حراميه. الله يستر ويبعد عنا وعنكم.
لا صديقتي انا بكبست زر عند ويهج الحين. بس صاجه جنه تعرفيني ام هبات. البيت كله عندهم ايفون الا انا مستعسره عليه ويوم خذيته ماهديته. الله يستر من الهبه اليايه.
سمله عليكم والله. يشمون ريحتنا هذيل جنه قطاوه عالدسم ( ماني قايله زفر الزفره اللي باقتكم يعل ايدها الكسر).
مشكوره والله انك قلتيلي بوصيي امي تكثر من الديتول وايبس. بعد ما يندره الواحد شيجري عليه.
الله يسلمج ستروبيري
انا شمخديني غير حنة اليهال... ولدي ثولني يحن على كندر سبرايز والشاذية طايحتله تفلي بجنطتي!
مو زفرة الا شاذية لو عندي سبال جان لقمتها مع الرفسة اللي حصلتها!
كل شي موجود لا تثقلين على عمرج
وانصح بجناط الحج اللي تنحط تحت القميص :))))
يلا انوي على تويتر واحنا بالشوفة طال عمرج
:)
حسافه والله لو مجدمه السفره شويه جان ييت اللقم وياج الشاذيه.
ماعرفله يوخيتي. شلون اطلعج بالتوتر.ادز تعميم؟ ابعتيلي الحجااات والمحتجات واللنكات بايميلي حضرتك وانا اسير عليج بتوترج اشرب عندج اهوي ونحش بالشاذيه. صج انها قليله ادب حارتني خلت كل الدنيا ويت علا جنطة الوت وايبس. ولاااا يوخيتي لا تقولين اكووو. العام جني يتيمه يوم خلصوو وت وايبسي. خنقتني العبره. الله لا يخلينا من ديرتنا.
انا ماني من اللي يجيلون جنهم رايحين فيلجا. بس الديتول وايبس! مالنا غير لا تقنعيني.
انزين انا خبري اللي قولون فولو اس بتوتر يكون رازينه علا البلوغ او السايت اللي هو. بس انتي قولبت بلوقج ماكو شي. اعترف انج كاشخه علي الحين. ماعليه مردوده. يججي يوم يا بت يا جندل ومصيرك حتشوفي جيز كيك بتعمل ايه. دنا اروووبه.
ضحكتيني يا بت يا ستروبيري
سلمج الله الاكاونت محفوف -شغل سمرات- والمشكلة اني قافلته وما ادري اذا احد مسويلي ركويست لانه ما يبين من الموبايل
وهذا الاكاونت @churreria74
يلا انجوي يور فيكيشن :)
بما ان ثقافتي التوتريه علا قدي جني جني سويتلج فولو بس اذا ماضبطت معاي مشي حالج بكارميل جيز كيك لين الله يفرجها.
لا سمح الله تكون ضبطت معاي الحركه ترا الاسم الحركي البت الزرًًاا. يا ريسه وكلو تمام.
إرسال تعليق