صارلي يومين على التوالي ابرطم الصبح بقهوة حليب وهيل
صديقتي تنبهني مستنكرة طلب اللي كان قاعد يمنا بالقهوة, تقولي: واي طالب موكا وبسبوسة! ما ينسحن!
فقير... عليه بالعافية والله يعينه, يمكن مهموم... الهم يخلينا ما نميز لا بكلام ولا بأكل
اليوم تريّقت ملّتين عصيدة وكسرتين لسان الثور وشربت كوبين جاي -ديلما- مع نتيفة حليب بالزعفران, كل كوب حطيت فيه جيسين شكر اسمر وخذيتلي جاي وحليب بالزنجبيل –سفري- وحطيتله جيس واحد شكر اسمر ورحت تغديت فبيت "هلي" وحليت بتمر وهردة.. احتمال اتعشى ناتشوز وقرص عقيلي
العصيدة حلوة.. ونورية احلى, غريبة هالبنية.. ما تيوز لها العاب ايرلي ليرننق سنتر اللي حق عمرها ولا لها شغل بالتلفزيون, بس اشوفها مسوية استثناء حق مباراة كرة القدم
التي باغ-ماركة ليبتون- لعبتها المفضلة
الحوش مكانها المفضل, تحب تشوف اليهال يلعبون كرة
ادش جنتها اذا يبتلها تفاخية, منظر التفاخية يدخل البهجة والسرور لقليبها يسلملي قليبها
السكوتر بالحوش يونّس, ودي اجربه بالافنيوز -برة المجمع مو داخل- اتمشى فيه من ايكيا لي تروفاليو -الفرع اليديد- بس مافي مواقف حق السكوتر هناك!
هالشهر مليق ملاقة, ماصخ مصاخة
جربت بينك بيري ناريل وكاكاو مع كشمش وجوز ولوز.. مش بطال.. تغيير عن الرمان والاوريجنال مع الميكسد بيريز
امس اتصلوا علي البنك, يبون يسلموني فيزتي اليديدة ليش ان اللي عندي بتنتهي بيناير 2011
ليلحين اذكر مكالمة الموظف الظريف اللي قنعني بتغيير فيزتي من ذهبي حق "بلاتينَم"... ما يقول بلاتينيوم... بلاتينم
عاد انا استهبلت وخليته يعيد ويزيد بفوائد استخدام البلاتينم... لوما الحيا جان قلتله بالمفتشر: اذا تبيني أغيّر الفيزا, قول بلاتينم عشر مرات... والله الحريم عقولهن تنوزن ببلاتنم
اللي دقت امس ما قالتلي شنو نوع الفيزا... سألتها عسى بلاتينم؟... قالت اي بلاتينيوم... بغيت اسألها
شخبار الموظف بو بلاتينم؟ وليش ما كلفتوه يبلغني بتاريخ ومكان استلام الفيزا اليديدة؟ عسى مو ماخذ مني موقف!
36 التعليقات:
شقولج
أولا صار لج مده متواريه عن الأنظار
ومحتجبه عن الأضواء
هقيتج منعزله عن المجتمع منبتة الصله بالأحداث
قلت يمكن متشرنقه
أفتكر واضح قصدي من زمان مانزلتي بوست وأمتعتينا بسوالفج البلاتينم
إستمتعت بكل كلمه وناوي أجمع جم كالوري بالبوست
الله يخليلج بنيتج وهنيكم دنيا وآخره
على فكره شنو علاقة العنوان بالبوست
بس
جني طولت
** خيانه يا جندووووله ايقولون دايرته تويتر من ورانه افا بس افا
اقول عليج بالعافية و يعله مداخيل العافية
و لهنا عليج والله شكبر مكانج حبيلي نوريه و اهداء لها مني غنية " صغير مدلع " بس شرط اللي تغنيها موضي علف اقصد موضي الشمراني
لووول يحلوها نوريه الظاهر بتصك على ميسي
تدرين اني كل مره اقكر بالسكوتر بالافنيوز ههههه والله ينفع صج كسل فينه
وعليه الموظف الحين يحرم يدق عليج ههههه
ولهنا على سوالفج :)
لوووووول مو صج
بالعافية يارب
صباح الخير
تقبلي مروري و اتمنى تشرفيني في مدونتي الجديده
شكرا
Hello dear
تيمون وبومبه ;)
ويا زين نورية أم الدل والدلال و يا زين سوالف أمها أحس شكلج يشوق وانتي مادة البوز في الكافيه وتتطمشين على الرايح والراد وطبعاً اغلب الي قاعدين في الكافيه من الموظفين والموظفات المتسكعين والمتسكعات مع قليل من المتقاعدين والمتقاعدات وربات البيوت ;)
شرايج بلسان الثور مالهم مو فيه زفرة البيض ؟؟
ما اوطن الفيزا و"البلاتينم" لي معاها ذكريات سيئة:( ,, لا احبذ الكي نت خاصه اني ما ادقق في المبلغ وسيدة ارعص الدقم بالرقم السري ,, احب الكاش احب اسمع صوت ATM واهي تحسب الفلوس ولا احلى موسيقي على العموم انجوي يور كارد اند سبند وايزلي ..
طولت السموحه منج جندوله ;)
al3aseedaS was sharing so no gulit feelingS
bas magilteelee
ish rayech bil yaranzabeel
mo khosh nasee7a :)?!
Health Company
24610466
حبيبتي انتي
:**
اي انا اعرف هذه الحالة تماما
تدرين؟
لما اكون قلقه،متوتره من شي وساكته،مهمومة وقامته بقلبي تييني هذي الحاله
اكل اشيا مالها علاقه ببعض
ولا اكلها بالوقت المناسب
ولا في واحده تفز بليل عطشانة تشرب عصير ليمون؟
وتتريق كاكو
!!
حمدلله والشكر
:))
فديت نونو والتفاخيه وقليبها اسم الله عليها بنتج تحب النفاهه الله يحفظها
.
.
ياربي تكونين بخير
وتستقر احوالج ،وراح اعرف انها استقرت لما تحطين منيو ثابت وتشربين شوربه منزوعه الهليوم مثلا
:)
صباح الشوق والعودة الجميله
فريتج ما تغطيها عين الشمس يا جن جن
بس علامش يا حياتي مخبصه بالأكل
لمازا يا امي
!!
ونوريه شكلها بتنظم لفريق كرة القدم بنادي الفتاة من الحين
اقول جن جن
موظف البلاتنم ما عطاج اسمه
!!
بدق اسمعها منه
لووووووول
صباحج خف طينه لج انتي بس
وصباحنا ممتع بوجودج يالشيخه
احبششش
:**
هكونا ماتاتا :)
صبحج الله بالنوير
ياحلو النوري ..و الطقوس
خليها على راحتها ..ترى هالبنت تربية البلوقرز ..راح تصير فنانة
و انا لله فلله احبها هالعيارة :**
و امها تدري شكبر مكانها ..مرة ثانية لا تباعدين .. مكانج مبين ترى ..
لووول شوفي ماي لاست بوست العنوان اهداء حقج انتي و نانوووووه :**
صباحج عظمة على عظمة يا ست
هههه
****************
يا هلااااااااااا
ويا مرحبااااااااا ، اسفرت وانورت واستهلت وامطرت
يا حيالله خطارنا!!!
ياخوج وينج شهالغيبة!!
شلون الصحه عساج بخير؟ :)
ترا تناقضات أكلج تدل على خف عقلج اقصد خف طينتج
p;
على طاري الحلا ، البارحه كليت حلوى عمانية على تين!!!! جمييييييييييييييييل جماااااال ما لوش مساال!!
على طاري دول الخليج ياخوج ما عندج احد رايح البحرين؟ يقولج عندهم أجار بامية !! ودي اذوقه!!
-------
يا زين نوير!! انا شيوخ جذي وهي صغيرة غرامة نقعد على الدري بالحوش ونشوف اليهال يلعبون بس ناقصنا زقاير!!
p;
الحين تحب الهياته والرقص!! تهقين شنهو مستقبلها؟ عساه باهر؟
صباح الخير
ولهاااااااااانه حيل على سوالفج :*
عليج بالعافية العصيدة والحليب هذا وقتها ، يختي سلم علي نون الله يحفظها لج مع اخوانها يارب ويبلغج فيهم انا عيالي ميننيني علي هالسبونج بوب توني خميت كلشي من دبي من الجنطة لي الالعاب
غرامهم مايتحركون من مكانهم أذا طلع بالتلفزيون :)
وااااااي
جندل مو من صجج؟؟؟
وينج عسى ماااااشر مالج اي نشاط
لج فرية كبر بحر الخليج..ليش اني ما امون على غيرة...
وازين النوري والله ربي يخليها ويحفظها
وين صايرة قهوة حليب وهيل؟؟لايكون اللي يم المباركية...افااااا بدت ازمة منتصف العمر مبجر
؛)
ما تحلى العصيدة الا بالسفن اب تدريين ..!!!
ولكم باك
:***
يا هلا تحلطم, ولا طولت ولا شي, المطلوب خبق الزبيل
:)
انا متأكدة انك حافظ اغاني lion king
hakuna matata means no worries for the rest of ur days, its our problem
free,, philosophy, hakuna matata
الواحد ينعزل بس بهالزمن توصلك الاخبار اللي تغث حتى لو عشت بعالم الهكونا ماتاتا
الله يحفظك ويسلمك والامتع مرورك وتعليقك
منورني دوم
:)
انا ولهت اكثر ميومة, مالنا غناة عنج
:*
لازم تسوين اكاونت تويتر,, صاير هبة ويمشي مع الهنتر بووت
مافي اي التقاء وجداني بعالم الاغاني ميومة... موضي علف عرفناها,, شتطلع شمراني!
يا هلا جايونة, الله يسلمج احنا ولهنا اكثر
:)
مشوقيني اليهال الله يحفظهم بسكوتراتهم بالافنيوز
الموظف شكله طلع من البنك عقب مكالمته معاي!
Katkoota xD
الله يعافيج
حياج الله ونورتيني
:)
اهلين وحيد في المنزل, صباح النور
اسعدني مرورك واتشرف بمتابعة مدونتك
حياك الله
:)
يا هلا star مشتائين
:)
القعدة ونيسة بالقهوة والطماشة على موظفات بنك الخليج تخليج تبرطمين عدل وما تكلمين المرافقين
:))
ما غمست لسان الثور بالحليبة فما صدت زفرة فيه!
على طاري صوت ال ATM
مادري اي بنك ذاك اليوم ما يطلع صوت حتى بالدقم! استنكرته!
شكرا ستار آي ول ان شاالله
منورتني دوم
:)
ام قليب
متبصرة بحرف ال S
;p
اليرنزبيل هيّج الكحة عندي زود... ماحبه , افضل ال ginger عليه
:p
بو طخمة
عندهم صمونة "لسباكتي"؟
:p
يا هلا جواهرجي
:)
فعلا لازم يكون في استقرار نفسي علشان ننفخ بشوربة منزوعة الهليون!
تنصحين بفريرو مع عصير ليمون على الاذان الأول؟ انا بصراحة احب الرهش هالحزة بس شكلي بغيّر!
تسلمين جواهرجي لا خلا ولا عدم
شصار على موريتانيا! نطلع فيزا؟
:)
اهلا زيونة, مشكورة على الكلام الطيب, من طيبج وذوقج
:*
لوووووووووووول مثبتة اسم العايلة بس ما ثبت اسمه الاولي... شكله فرفور في مقتبل العمر
:)
التخبيص سلمج الله ايي متمم مقرر الغلقة المتعممة عالديرة
عندي اعتراف
عمري ما دعيت على احد غير صدام
والحين قاعدة ادعي واشحي على مسلم البراك
اهلا بالنور, تسلمين والمحبة متبادلة واكثر
:*
صاجة البنت ما خلت بوست ما "كوّعت" فيه... متحركة ببلوقاتكم
:))
مشكورة عالاهداء, اخجلتيني نوني, كلج ذوق
:*
اهلين اوركيد, الحمدلله عالسلامة وانا ولهت اكثر
:*
الله يحفظهم ويبلغج فيهم وتعيشين وتييبينلهم كمان وكمان
:)
اهلين خويل
مشكور عالسؤال ما ننحرم
التناقضات تعكس المزاج
بالعافية الحلوى شوقتني!
رفيجتي اخوها رايح اد عالبحرين وقايلتلي على اجار الباميا!
عاد مو ناقصني الا اجار الباميا ويا هالعفسة اللي اطحنها!
نوير تموت عالرقص... استغفرالله يا ربي حتى على الاذان تهز! تهقى شنو مستقبلها اهي وخوخة!
يا هلا ليوان, تسلمين حبيبتي وما تفقدين غالي
:)
المباركية شرحة بس وايد برد بالشتا! يبيلي اروحلها بفروة!
العصيدة بالسفن! هل كيف! يبيلها بوست توضيحي ولا عليج كلافة ليوان
:)
صباح الاستجواب
شلونج عساج بخير ومرتاحه؟
:)
صباح ما بعد الاستجواب خويل
الحمدلله, تسلم عالسؤال
كل عام وانتي بخير اختي العزيزه جندلة.. وعسى الله يجعله سنة خير وسعادة وسرور عليج وعلى بو عبيد وعيالج واهل وكل احبابج قولي امين (:
شرايج فيني تعليق كامل من غير اي تحرش p;
خويل
وانت والأهل بخير وصحة وسلامة
مشكور عالدعاء ولك مثله وأزيد
تعليقك ذكرني بلعبة "عليك واحد" وماشي مع التاريخ الذهبي
:)
نمشيها هدنة
حبيبتي والله جندوله و انتي بخير يالغاليه عساها سنة خير و صحه و عافيه عليج و على عايلتج يارب
كل عام وانتى والعايلة الكريمةواحنا ويو نو بالف الف خير
اتمناها سنة خير ومحبة
.**
آمين وعلينا وعليج ميومة
:***
ضروري توترين التويتر ميومة
وانتي ومن تحبين بخير وصحة وسلامة
تشكرات مش مش
:**
إرسال تعليق